Тыдзень беларускай мовы і літаратуры

Родная зямля! Бацькаўшчына! Радзіма! Родны кут! Бацькоўскі дом! Маці! Родная мова! Гэтыя словы самыя дарагія і блізкія для кожнага чалавека. Яны сталі лейтматывам тыдня беларускай мовы і літаратуры, які прайшоў у нашай школе.

Кожны дзень настаўнікі паспрабавалі напоўніць цікавымі падзеямі і мерапрыемствамі, каб яны, з аднаго боку, не заміналі напружанаму навучальнаму працэсу, а з другога – былі змястоўнымі, карыснымі і даступнымі для тых, хто цікавіцца родная культурай. Удзел у Тыдні прынялі амаль усе вучні школы. Яго мэта – фарміраванне ў дзяцей станоўчай матывацыі да вывучэння роднай мовы, літаратуры і гісторыі, стварэнне ўмоў для таго, каб навучэнцы маглі праявіць сябе, выпрабаваць уласныя сілы ў разнастайных творчых і інтэлектуальных мерапрыемствах, прадэманстраваць свае дасягненні ў згаданых прадметах. Натуральна, што ўсе мерапрыемствы, аб’явы і навіны былі толькі на роднай мове. Арганізатары Тыдня як мага заахвочвалі навучэнцаў нашай школы размаўляць на беларускай мове і часцей карыстацца ёй у паўсядзённым жыцці.

Распачаўся Тыдзень беларускімі народнымі песнямі і песнямі на словы беларускіх паэтаў, якія гучалі ў школьных кабінетах і на калідорах.

Настаўнікамі беларускай мовы і літаратуры былі аформлены наступныя выставы: Кушняровай Ж.С. - “Славутая Магілёўшчына”; Дзмітрыевай Т.Р. - “Пісьменнікі вачамі вучняў”; Ярмоленкай А.М. – стэнд к Міжнароднаму дню роднай мовы.

Падчас і першай, і другой змены лектарская група з 7Е класа (пад кіраўніцтвам настаўніка беларускай мовы і літаратуры Кушняровай Ж.С.) абыходзіла і старэйшыя, і малодшыя класы з аповедам пра забытыя і малавядомыя словы беларускай мовы і заклікала ўсіх як мага часцей гаварыць на нашай роднай мове.

У панядзелак настаўнікамі беларускай мовы і літаратуры была праведзена школьная прадметная алімпіяда па беларускай мове і літаратуры, у якой прынялі ўдзел 89 з 95 заяўленых школьнікаў цікавасць у навучэнцаў, на якіх яны дакрануліся да славутай мінуўшчыны Беларусі, пазнаёміліся з цікавымі звесткамі пра родную мову, сталі сапраўднымі знаўцамі сваёй краіны.

Працягам Тыдня ў аўторак стала пазакласнае мерапрыемства “Багата, родная ты мова!”, праведзенае настаўнікам беларускай мовы і літаратуры Кушняровай Ж.С. сярод вучняў 7В класа. Вучні з задавальненнем удзельнічалі ў шматлікіх конкурсах і віктарынах, паказалі добрыя веды па вывучаным матэрыяле. Таксама ў гэты дзень сваё веданне роднай мовы паказалі навучэнцы 7Д класа (настаўнік Калачова Л.М.) у пазакласным мерапрыемстве “З родным словам круглы год”. У гэты ж дзень настаўнікам беларускай мовы і літаратуры Далінінай С.Л. была праведзена літаратурная віктарына сярод вучняў 8Б і 8Г класаў “Нашы класікі”, падчас якой вучні паказалі добрае веданне літаратурнай спадчыны Янкі Купалы і Якуба Коласа.

У сераду для вучняў 5Е настаўнік беларускай мовы і літаратуры Дзмітрыева Т.Р. правяла пазакласнае мерапрыемства “Моўныя скарбы роднага краю”, на якім вучні пазнаёміліся з багацейшымі ведамі нашых продкаў, якія знайшлі сваё адлюстраванне ў абрадах і звычаях, гульнях і песнях.

У чацвер прайшоў Рэспубліканскі конкурс “Буслік-2020”, арганізаваны сярод вучняў 3-11 класаў, у якім прынялі ўдзел 164 вучні нашай школы.

21 лютага адзначаўся Міжнародны дзень роднай мовы. Не засталася ў баку ад гэтай падзеі і наша навучальная ўстанова: настаўнікам беларускай мовы і літаратуры Калачовай Л.М. была праведзена літаратурна-музычная кампазіцыя, прысвечаная 100-годдзю А.Пысіна, “Наш знакаміты зямляк” і Балобінай Т.Г. літаратурная вечарына “Свет загадак і цудаў”, падчас якой вучні адказвалі на пытанні віктарыны, узгадвалі беларускія народныя прыказкі і прымаўкі. Напрыканцы дня ў школьных кабінетах зноў гучалі песні беларускіх кампазітараў на словы беларускіх паэтаў.

Пры правядзенні Тыдня ўсе настаўнікі беларускай мовы і літаратуры ўлічвалі ўзроставыя асаблівасці школьнікаў, іх інтарэсы і пажаданні, індывідуальныя схільнасці і здольнасці, стараліся выкарыстоўваць разнастайныя формы і метады вучэбнай дзейнасці, новыяцікавыя формы арганізацыі і правядзення мерапрыемстваў, удала спалучалі калектыўныя і індывідуальныя формы работы. Гэта было свята даўжынёю ў цэлы тыдзень!

Кіраўнік МА настаўнікаў беларускай мовы і літаратуры Кушнярова Ж.С.


Яндекс.Метрика

Сайт Президента РБ Сайт Могилевский облисполком Могилевский горисполком Сайт Министерство образования РБ Сайт управления образования Могилевского облисполкома Могилевский областной институт развития образования Национальный правовой интернет-портал РБ Детский правовой сайт