Размаўляем па-беларуску

У 2020/2021 навучальным годзе ў Магiлёве працуюць класы з беларускай мовай навучання

Каляндар юбілейных дат, якія будуць адзначацца ў 2020/2021 навучальным годзе

План мерапрыемстваў дзяржаўнай установы адукацыі “Вучэбна-педагагічны комплекс дзіцячы сад – сярэдняя школа № 42 г. Магілёва” па папулярызацыі і пашырэнні сферы выкарыстання беларускай мовы на 2020/2021 навучальны год


«Родная. Адзіная. Самая любімая!»

  • 15 кастрычніка 2020
  • Настаўнік беларускай мовы і літаратуры: Балобіна Т.Г.

Як добра і справядліва, што 14 кастрычніка зацверждана ў нашай краіне як Дзень Маці. “Маці – пачатак усіх пачаткаў, апора і надзея, будучае народа, падтрымка ў горы і радасці”, - сказаў вядомы беларускі паэт С.Грахоўскі. Маці – гэта дом, адкуль мы выйшлі. Маці – гэта цяпло і спакой. Маці – гэта найлепшае і найцудоўнейшае з усяго, што існуе ў свеце.

Таму 15 кастрычніка сярод вучняў малодшых класаў адбыўся ранішнік “Родная. Адзіная. Самая любімая!”, прысвечаны светламу, узвышанаму пяшчотай і любоўю святу - Дню маці.

Вучні падрыхтавалі цудоўную праграму з песнямі, конкурсамі, віншаваннямі, прысвечанымі самаму дарагому чалавеку на зямлі – маці. Уся вечарына была прасякнута цеплынёй і любоўю да маці.



«Слова роднае - вечнасці след»

  • 08 кастрычніка 2020
  • Настаўнік беларускай мовы і літаратуры: Ярмоленка А.М.




Прыгледзьцеся да самых звычайных слоў крышку больш уважліва, чым заўсёды, і вы ўбачыце, што кожнае з іх гаворыць нам не толькі аб розных прадметах і з'явах, якія імі абазначаюцца. Дасціпнаму чалавеку словы могуць расказаць шмат чаго...

Такімі словамі пачаўся конкурс эрудытаў беларускай мовы «Слова роднае - вечнасці след» у 6 "А" класе. Вучні з задавальненнем раскрывалі значэнне роднай мовы ў жыцці чалавека, далучаліся да вытокаў і першаасновы нашай культуры, да скарбаў народнай мудрасці.




«Моўны турнір»

  • 01 кастрычніка 2020
  • Настаўнік беларускай мовы і літаратуры: Далініна С.Л.





Сёння 1 кастрычніка 2020 года паміж вучнямі 7 “Ж” класа адбыўся моўны турнір.

Цікавыя моўныя конкурсы, крыжаванкі, заданні захапілі ўсіх вучняў. Яны вельмі актыўна ўдзельнічалі ва ўсіх конкурсах і паказалі добрыя веды па беларускай мове.







«Дзве мовы сталі блізкімі мне змалку…»

  • 24 верасня 2020
  • Настаўнік беларускай мовы і літаратуры: Калачова Л.М.



24 верасня ў 9 “Г” класе адбылося мерапрыемства ў форме вуснага часопіса “Дзве мовы сталі блізкімі мне змалку…” Вусны часопіс складаўся з 4-х старонак: “Мовы-сёстры”, “Раскажам пра словы”, “Сакрэты паэзіі”, віктарына “Падумай і адкажы”.

Вучні расказвалі, што ведаюць пра паходжанні слоў. Напрыклад, пра хлеб. Прыгадалі прыказкі пра хлеб на рускай і беларускай мове. Адказвалі на пытанні. Напрыклад, што такое медаль і адкуль прыйшло да нас гэта слова? Таксама адбылося цікавае знаёмства з акравершамі. Не абышлося і без загадак-жартаў і больш сур’ёзных пытанняў.





«Пяшчотная матуліна мова»

  • 17 верасня 2020
  • Настаўнік беларускай мовы і літаратуры: Дзмітрыева Т.Г.


У нашай школе 17 верасня ў 6 «Е» класе прайшло мерапрыемства «Пяшчотная матуліна мова». Мэта мерапрыемства: падагуліць і сістэматызаваць веды вучняў па тэме «Вусная народная творчасць», выпрацоўваць навыкі вылучэння адметных жанравых уласцівасцей фальклорных твораў; ствараць умовы для праяўлення творчых здольнасцей вучняў; выхоўваць павагу да народнай спадчыны, пачуццё нацыянальнай годнасці і гонару за свій народ.

Мерапрыемства прайшло ў форме конкурса-гульні. Спадабаўся вучням конкурс загадак-жартаў. Творча падышлі да конкурсу «Пазнай фразеалагізм па малюнку». Вельмі запамінальнымі сталі заданні: «Адна літара», «Скорагаворкі», «Народныя прыметы».

У канцы мерапрыемства выявілі і ўзнагародзілі пераможцаў. Усе засталіся задаволены.


«Мой родны кут»

  • 10 верасня 2020
  • Настаўнік беларускай мовы і літаратуры: Балобіна Т.Г.

10 верасня адбылося мерапрыемства «Мой родны кут», прысвечанае важнай, жыццёва актуальнай тэме, да якой асабліва часта звяртаюцца нашы паэты, празаікі, драматургі, публіцысты. Гэта тэма любові да Айчыны, спадчыны нашых продкаў.

Няма ніводнага сучаснага беларускага пісьменніка, які б не звярнуўся да гэтай тэмы. Амаль у кожнага мы знойдзем водгук на яе, творы са згадкамі пра малую радзіму, у якіх адлюстраваны ўражанні, перажыванні аўтара.

Дзеці чыталі на памяць вершы, дзяліліся цікавымі звесткамі з жыцця нашых паэтаў-землякоў.

А запевам да гэтага мерапрыемства сталі вядомыя радкі знакамітай беларускай паэмы «Новая зямля»:

Мой родны кут, як ты мне мілы!..
Забыць цябе не маю сілы!
Не раз, утомлены дарогай,
Жыццём вясны мае убогай,
К табе я ў думках залятаю
I там душою спачываю...

Якуб Колас.

«Жыве ў вяках беларускае слова»

  • 03 верасня 2020
  • Настаўнік беларускай мовы і літаратуры: Кушнярова Ж.С.

Вось і распачаўся новы вучэбны год. І, як заўжды, першы тыдзень у нашай краіне прысвечаны Дню беларускага пісьменства. З нагоды гэтага сярод вучняў 8 «Е» класа прайшло мерапрыемства «Жыве ў вяках беларускае слова».

Удзельнікі свята прайшлі шляхамі друкаванага слова , пазнаёміўшыся з гісторыяй беларускай кнігі. Прысутныя даведаліся шмат цікавага не толькі пра старажытныя рукапісныя кнігі, але і пра тое, як з’явіліся першыя друкаваныя кнігі на беларускай мове. Шмат шчырых слоў было сказана пра Е. Полацкую, К. Тураўскага, Ф. Скарыну, М. Гусоўскага, В. Цяпінскага, С. Буднага.

На свяце гучалі вершы беларускіх пісьменнікаў, прысвечаныя роднай мове. Вучні з задавальненнем адказвалі на пытанні віктарыны «Беларускае кнігадрукаванне: ад вытокаў да сучаснасці». Была арганізавана інфармацыйная выстава «Каля вытокаў слова і кнігі». Мерапрыемства вельмі спадабалася вучням, пакінуўшы добрыя ўспаміны і незабыўны след.



Архіў навін >>>


Яндекс.Метрика

Сайт Президента РБ Сайт Могилевский облисполком Могилевский горисполком Сайт Министерство образования РБ Сайт управления образования Могилевского облисполкома Могилевский областной институт развития образования Национальный правовой интернет-портал РБ Детский правовой сайт